ACHARANCHEM VOJEM - Alfred Rose
Kazar mojea amigachem, poilem kazar hea vorsachem, aikat tachea kazarachi khonta,
Nessop kelem valorachem, armosanv don ozarachem, vhoddlem bend aslem re mojea puta,
Jevon randlelem ruchichem, pieonk fridgin santorichea, Whisky brandy rum khatta khatta,
Lok hollan yeun boslolo, vokle noureakuch ravtalo, derefent fugoteo zaleot fatta fatta
MC hanv danvon vochon vorak bhitor kadlo, bendan suru kelem,
Video kadpi photo kadpi, dogui danvtaleat, anvem jetan cholonk dhorlem,
Lok thuim ubo ravon sogloch khoxen murgottallo vazop itlean somplem,
Wedding cake katortanam, nourea baban mistekin vokle-baiechem bottuch katorlem.
Soglea hollan zalo boball, rogtache thuimsor zale vall, rogot polloun nouro bhieum poddlo,
Anvem vochon announce kelem, dotor aslear ye mhunn sanglem, ek matro dotor thuim danvon ailo,
Vokol dukhin bob martali, noureachi kudd patouleli, anik dusro boball thuimsor zalo,
Nourachea paik choddon ailem kalliz mista frag aslem, heart attack zaun tho thuim thondgar zalo.
Paik motoran ghalun rokdoch hospitalan vel'lo sasumaim gaborli,
Nouro suman zatokuch voklek gheun ghara ghelo thuim ani ek gomot ghoddli,
Udkache noll mista gharan uggte dorleleat gharan bhuddti aili,
Bixannem bizlem, samon bizlem, konn guneavkari, sozmonam sasumaim odik chavoli.
Sasumain kelem ferem-ferem, voklechem panvol nhuim borem, gharan amchea aili saddi-sati,
Vaitt noxibachi vokol, amkam ghalunk ailea sokol, sant bhogtank pettonk lagli vati,
Nouro babdo soth Deva pava, main mhuttlem tuje tond sambau, zap kaddxi kadtelim tujeo kathi,
Petrol ghalun lasun uddoi nam tor voron dorian buddoi gharan mojea naka hi ponvoti.
Kazar zatoch gharan kitench vaitt ailem zalear mhunntat vaitt noxib voklechem,
Pun kazar zatoch gharan kitem borem iet zalear mhunntat borem noxib noureachem,
Borem ailam tem voklechea noxiban yeun nezo mista koslem chintop amchem,
Nennarui hem gheun asat, xinklelim hem gheun asat, noixtem vojem acharanchem.
ADEUS KORCHEA VELLAR Sung by Alfred Rose Lyrics by Reginald Fernandes
Balo, boslo mojea kallzar,
Kallzam, doxim zaunchea vellar,
Naka dislo soglo sonvsar,
Moga Adeus korchea vellarAnik kaim ek moje lagim naslem,
Otmo ani kalliz tukach dilem,
Chintnam ubon gelim varear
Gupit ekloch zalom fugar
Dukam denvlim mojea pollear
Moga adeus korche vellar
Kalliz zalem mojem thondgar,
Tuka dektoch dolleam mukar
Roddlom chintun mogacho bar,
Moga adeus korchea vellar,
Mollbailem tem channem tor uloit tem
Dakoll korta tem kitem anv korta tem
Kalluk ailo mojea dollear
Sopon koxem dislo sonvsar
Chintnam motin riglim sabar,
Moga Adeus korchea vellar,
ADLEM BHURGEPONN - Alfred Rose
Lahn astana iskolak vetalom,
Ghara yetoch bhurgeam xim kheutalom,
Lisanv korun rebekui xinktalom,
Avoi bapaiche vengen jietalom,
Molladik tem bhurgeponn, anik amkam mevchem nam,
Ozar lakh dilear passun konn dinvcho nam,
Oktam kitlim ghetlim tor, tem ghott zoddunk zaunchem nam,
Vinktem gheunk chintlem zalear khuinch mevchemnam,
Dukhi konti vollkonaslom anv bhurgo astanam,
Khuxeal vaddlom teo dasti nastonam,
Khorench atam xinkop tem chodd zalam,
Itlem xincop, khellonk vell mellonam,
Edo so potto vis-ponchvis book tache lagim dorunk zainam,
Dukollta tho iskolk vetanam,
Iskolan lissanv kitlem, monan vochona titlem,
Khotta amchea bhurgeamchem noxib futlem,
Tem soglem lissanv zaina, khellonkui vell mellonam,
Tor atanchem bhurgeponn zait hem koslem,
Bhurgea ponnar tanchea mathyar vojem kitlem
Fuxeal aslem tem bhurgeaponn adlem,
Iskolak than yeta 4 voramcher,
Tutionak mhunn vetat 5 voramcher,
Porot ghara yetat tim 7 vo 8 voramcher,
Rath dis tanchem mon focot lissanvcher.
Ters korunk vell mellonam, khellonkui vell mellonam,
Khellonk oxim osot zalear, lisanv zainam,
Muineachea muine exam, maim paik pasun suseg nam,
Hea fuddem kosle dis yet mhunn Dev zannam,
Antanchim bhurgim khorinch uxear hem sangchi goroz nam,
Amchem tem sukh hea bhurgeank mevchemnam
Bhurgeponn, bhurgeponn,
Antanchem bhurgeank mevchemnam, ami bhoglam tem bhurgeponn
Bhurgeponn, bhurgeponn,
Khuxelborit aslem amchem adlem bhurgeponn.
AGENT FOTTKIRE – by Alfred & Rita Rose
RR: Irmanv tum Goemkar zalear, bhiradd dhi maka hea porkea ganvan,
Ankantak sampodleam, ath zoddun magtam Devachea nanvan,
AR: Hea ganvan tuka daddlem konnem, bhavan vo ghovan,
Ankantak sompoddlaim konnachea guneanvan.
RR: Pai bhav soro piyeta, adhar na zalo konnacho,
Bhuk sonxinezo zaun rosto dhorlo Arabiacho,
AR Punn kotta thuimsor pavon, sonvsar zaunk pavlo dukhacho,
Vibadd zaunk pavlo vass, pormollit fulamcho.
RR: Bomboichea Agenta vorvim, kontrad sain korun Kuwait gelim anv,
Punn thoimsor pautoch, pag unnem dekun boglem fugasanv,
AR: Te Agent fottkire, lokak fottounk vhoddlem ghaltat nanv,
Lokak nagoitat, punn tem tanchem professanv.
RR: Kuwait than thoddea tempan, Beirut maka addlem vavrak,
Chear moinem pag diunk nam, bhair soronk dinaim ekai horak,
AR: Hem ghoddta zaiteanch zannak, magir xinntat Indian serkarak,
Serkar kosso etolo sang tumchea adarak.
RR: Antam anv pollon aileam, tunch maka samball ravonk suat nam,
Indian embassin gel'lim te maka sangtat kainch korunk zainam,
AR: Emigration offisan tuzo kontrad registad kel'lo nam,
Dekun Indian Embassy, antun menter zauchinam.
RR: Aikat mojea bhoinnanim, tea Agentank pationk favonam,
Tanchea kontradancher, matui bhavart dovrunk zainam,
AR: Kontrad Emigration offisan registad korunk zai dubav nam,
Tednanch serkar adar, dilea bogor ravcho nam. X3
AGHO MOJEA SUNDOREA" - Alfred Rose & Antonette Mendes
AM: Zuvieo, fulam; xinvtim, mogrim
Ghe re tuka pormollachim
Tujeach mogan vinchun haddlim
Fulang tujer uddoitelim
AF: Agho mojea sundorea, Khuim gho tum edea velar
AM: Voddun bolunaka, bappak kollot mojea,
AF: Vah, vah! Agho mojea sundorea, Khuim gho tum edea velar
AM: Voddun bolunaka
AR: Ham! Puro Gho
AM: Bappak kollot mojea
AR: Am, ham
AR: Tujeach mogan, kalliz lasta, Sundorea utor tujem, veginch dhi gho mhaka
AM: Tukaram
AR: Ham!
AM: Bhienaka
AR: Nam hanv bhinam
AM: Sopnan ravtam tuka
AR: Am, ham! Khorem sangta
AM: Bappa ani ayi
AR: Vah, Vah!
AM: Zanvuim kortat tuka
AR: Oh ho! Agho mojea sundorea, Ek beiju dhi mhaka
AM: Ghe zai title tuka
AR: Dhi gho tor
AM: Ayik sangonaka
AR: Oh ho! Agho mojea sundorea
Ek beiju dhi mhaka
AM: Ghe zai title tuka
AR: Ghetam, ghetam, dhi poviea
AM: Ayik sangonaka
AR: Ai, hai!
AM: Tum mozo Tukaram
AR: Hai! Tum mojem sundorem
AM&AR: Polle kitlem sobit tem amchem hem zoddem
AM: Kalliz hem mojem, Negar nam vechem
AR: Koxem votlem
AM: Aiz passun moro porian
AR: Ai, hai!
AM: Hanv tujem sundorem
AR: Mugelem
AM&AR: Login ami korteleanv, Ekttaim ami zateleanv
AR: Vah, vah!
AM&AR: Dogaim eka-mekak, Kedinch vissorchenanv
AM&AR: Login ami korteleanv
AR: Vah, vah!
AM&AR: Ekttaim ami zateleanv
AR: Um-hum!
AM&AR: Dogaim eka-mekak, Kedinch visorchenanv
Lyrics courtesy: Domnic Fernandes
AIR CRASH ANI BUS ACCIDENT – Alfred Rose
Gharar poddlo kalluk, tonddamcher poddlo kalluk,
Kitlea zannachea ghorabeamni aiz podlo kalluk,
Sonvsar khoroch kalluk, uzvadd asson kalluk,
Khorench munxeachem jivit bhavani birankull kalluk,
Poona than plane bhair sorlelem bomboi etalem,
Pavonk thoddoch vell assa mhunn tankam sanglelem,
Noxib futtlem, kitem goddlem, konnakuch hem thaven na zalem,
Dongrak addon tea kallukan ujean giraslem.
Khobor Goeam gomli, ek ghorkarn roddonk lagli,
Planean vocho nakai mhunn, ghovak aplea sangonk lagli,
Bomboi yeunk planeachi, tikett cancel keli,
Busichi tikett meutokoch, ghorkan khoxi zali.
Tichi khoxi rokdich sompli, togonk pauli nam,
Nimmani ti viaj zait mhunn konnech chintlem nam,
Fantea parar, nideachea barar, bus ti buddli konnach kainch gomlemnam,
Ang xirxirta odruxtt hem nialluncheak zainam.
Pixi khoxi bonvta, ang mattem pissudta,
Ganvan bonvon bonvon soglleak ti bobo marta,
Bhurgim babddim roddta, bapaik pounk axeta,
Anvench mojea ghovak marla mhunn, ti sangon roddta.
Kirmidorak pirzaunt ghal tho bhair soro nezo,
Vagak passun pinzreant ghatlear tho chabonezo,
Punn tem ghatki morn, kitench kelear tujean ani mojean tem addaum nezo,
Dhonia salvar kor, otmo tea nirbhagi munxeamcho.
AMI SOGLIM EK - Alfred Rose
Goemkar, ami Goemkar,
Bardezkar Sashtikar o Ilyaskar,
Bhass amchi, math math mudar,
Tori sogle, ami Goenche goenkar,
Teach porim, Sawantwadikar,
Malwankar Vengurlekar ani Karwarkar,
Dusre assat, bhav amche Munglurkar,
Punn ami, sogle ek Konkankar.
Ohhhhh ami sogle ek, Ami sogle ek,
Konkani uloupi bhav bhoinam ami soglim ek,
Soglim mhunnoyea, Ami sogle ek, Ami sogle ek,
Konkani uloupi bhav bhoinam ami soglim ek.
Ghanv ghara ekvott korun,
Vhodd vhodd dongor ami udoileat moddun,
Pordesant ami geleanv, orixtt oronnem piglaunk zai ekvott korun,
Zaite paut gulfak pavtoch, vibadi chintnam lagtat amkam naddunk,
Jezun sanglam peleacho mog kor, moganuch kurnattkai kai diunk zai foddun.
Ohhhh ami soglim ek, Ami soglim ek,
Konkani uloupi bhav bhoini ami soglim ek,
Soglim mhunnoyea, Ami soglim ek, Ami soglim ek,
Konkani uloupi bhav bhoina ami sogle ek.
Keralkar, zanv madrasi, Punjabi Sindhi Indieche put soglle,
Musolman, Hindu, Christanv oxe dhorm amche assat veglle veglle,
Vett bor pot bhukelam mhunn, chakri korunk ami pordesant pavle
Nosai pisai doryant udonk zai, Ami mhunn Indieche put soglle.
Ohh ami soglim ek, Ami soglim ek,
India amcho sogleancho ganv ami soglim ek,
Soglim mhunnoyea, Ami soglim ek,
Everybody Ami soglim ek,
India amcho sogleancho ganv ami soglim ek,
Ami soglim ek
Ami soglim ekkkkkk.
ANGELA – Alfred Rose
Angela, dont go away,
Angela, I'll swing you sway,
Tell me dear, why cant you stay,
Give me a smile, just for a while, life will be gay.
Oh my dear Angela, dont go away,
Angela, I'll swing you sway,
Tell me dear, why can’t you stay,
Give me a smile just for a while, life will be gay.
You are the one under the sun, no I can never forget you,
Just like a star shining afar, please tell me how can I catch you.
Oh my dear Angela I'm alone,
Can I call, call you my own,
Tell me why, why have you flown,
I m in love, Come back my dove, call me your own.
Voi tum eklench, porzollachem visor gali nezo tujer,
Noketr koxem uzvaddachem, khoxen bik-biktai mollbacher,
Mogachem Angela, eksurom anv, vonttacher kheuta tujem nanv,
Khoim vetai soddun ho ganv, yea tum mannka, vochonaka ye marun danv.
Angela, Angela,
Oh sweet, Dont go away!
ANKVARPONNACHI TAN – Alfred Rose
Kalliz mojem roddta, dukhan aiz diss sarta
Sontosbhorit ankvarponnak sodta,
Ankvar asleleank kazar zain dista,
Vhoi, kazar zatoch soglli sothea sompta.
Tem mhunnta, cheddvank poinakai,
Anga thoimsor bhonvnakai,
Ghara eunk vogot launakai,
Avoi, fokanndam kornakai, cheddvank dolle moddnakai,
Tie ghalinastanam moje borim bhonvonakai,
Toxench sangtam tum soro pie nakai
Hai, soro piyexi ratcho ghara eunakai.
Kaiboro jiv mozo, pettla lagon uzo,
Atam kitench kelear palounezo,
Ankwar astanam also zaito dhobazo,
Hai, antam sonvsar mirsangancho bozo
Kalliz hem martalem uddnam,
Kazar zain disso kednam,
Ghorcheank passun mojea thar nam,
Avoi, maim mhunnta put aplo, atam moipas dakoinam,
Pai mhunnta, put adle bhaxen uloinam,
Bail mhunnta ghov apnancho mog korinam,
Oh, konnak kitem korchem makach sozmonam.
Maim aple vatten, ani pai aple vatten,
Tantun bail uloita aple vatten,
Bhoinn moje assa, tivui apleach vatten,
Punn kunhead math mozo moje vatten,
Moji hi tokli zalea ran,
Saiba bhere zalet kan,
Vhoi, vhoi, ankwarponui borem, kazarui hem borem,
Sosnikaiechem mat ghott zaunk zai verem,
Ek mat moji bail sangta tem mat khorem,
Pai maink mhunnta sodanch korchem borem.
ANTANCHO SONVSAR – Alfred Rose
Ek vath soglleak uzvadd dita, punn apunnuch ulpota,
Eok maim-pai tosoch aplea bhurgeak voir kaddunk tench bhogta,
Aplea rogtacho bhurgo mhunn taka tim mogan vaddoita,
Magonastannam tea bhurgeak sogllem addun dita.
Aplea pottak unnem korta, bhurgeank kainch unnem korinam,
Punn to bhurgo vhoddlo zatoch, koixtt mandun ghenam,
Voilean mhunntta hanv lhan astannam, tuvem kelaim tem hanvem dekonk nam,
Ani jem hanvem dekonk nam, tem hanv soth mandchonam.
Avoi-bapaichem tondd kot’ta hem aikotoch ambott zata,
Dantui aple, vonttui aple mhunn tim sogllem sonsun ravta,
Xikop kortoch, sirvis mevtoch, bhurgim tanchim kazar zata,
Cheddvam ghovagher vetat, chedde maim-paixim astat.
Avoi-bapui zanttim zatoch, tanche hathui mottve zatat,
Zanteaponnar tim sovostkaien, jieonk axetat,
Punn gharan sovostkai nam, teach ghoran sosnnikai nam,
Ekttaim ravtat mhunnttoch, xingak-xingam adovtat.
Dialogue:
Pai: Baba! Don rupia asat zalear dhi re put
Put: Don rupia? Kiteak zai gha tuka?
Pai: Tan laglea baba, tan laglea
Put: Aam! Boreo tano lagtat tuka; rav, bolsan purse asa; poitam. Mojea
lagim
xembor rupia asat; ponas rupia asat; vis rupia asat; dha rupia asat; panch
rupia asat.
Chol-chol, mojea lagim don rupia sutte nant.
Pai: Don rupia sutte nant! Don rupia sutte nant! Kaimnozo; kaimnozo;
kaimnozo baba, kaimnozo
Magonastannam hea putak to sogllem addun ditalo,
Toch put don rupia sutte nam mhunn aplea paik sangonk laglo,
Hem soth tumchea mukar poddlam, tumkaim eok doko bostolo,
Hea paik sangat bhav-bhoinnanim, ho inam koslo?
Bhurgeank ami zolman addtoch, martanv fogotteanche morann,
Magonastannam sogllem tankam ditanv, khoxechea bharan,
Gorjek poddon main-pain kiteim maglear, thoddeam bhurgeank Saiba lagta
girann
Oxem ghoddonk Dhoniam, kitem hachem karann?
ANV BIYETAM - Alfred Rose
Anv biyetam, Anv biyetam, voi biyetam,
Anv biyetam kitench korunk anv biyetam,
Mogan poddonk anv biyetam.
Ek pautt mogan anv poddlolom,
Pollounk borem dista mhunnon bul'lolom,
Chintinastana emkondant xeutolom,
Zoddleli zodd kabar bava lachar zalom
Anv biyetam, avoi biyetam, voi biyetam,
Anv biyetam kitench korunk anv biyetam,
Mogan poddonk anv biyetam.
Pai maka kazar zau mhunn sodanch sangta,
Sun vegim add mhunnta maim bejar korta,
Kazar mhunnchem noxibachi sort re puta,
Dekun maka kazar zauncheak bhirant dista.
Anv biyetam, Anv biyetam, avoi biyetam
Saiba biyetam, mogan poddonk anv biyetam
Kazar zaumcheak anv biyetam.
ANV KONKNNI ZANNAM - A=Alfred & R=Rita Rose
R: I am a crooner, I am a crooner,
When I sing people say vow
I sing for dance bands, I sing for beat groups,
In konknni shows I want to sing now.
A: Pollounk sobit distai aka dubau nam,
Talloi boro assa anv aikon zannam,
Konknni tunvem uloileli math aikonk nam,
Konkni
R: Ti anv Janam,
Konknni anv uloitelim, kantarui kortelim,
Conertanim anv nachtelim, famous anv zatelim,
A: Mazram khoimsor nidleam zalear ghabron utt'telim,
Pixim khoxim, ennem tennem danvonk lagtelim,
Tuji konknni aikon tim soglinch murgot'telim,
Ani kung-fu nachonk lagtelim.
R: Kitem uloitai, maka chavoitai,
Kantar korun I'll make people cry,
I'll do loving roles, I 'll do fighting roles,
Maka eok chance diun, why dont you try.
A: Try try try kitem kor mhunntai try,
Stylish tuji konkani bai ekdom dry,
Osli konknni bhas Goemkar uloit zalear,
Konknnichi, zali chili fry.
R:Tumxim cheddvam no xinkop, anv xinkleam BSC,
My brother is a professor, first class first MSC
A: Vhoddponnam sangta pass zaunk na mista SSC,
Dev zannam hea fuddm koslim vhoddponnam korxi,
Famad zatoch amkam xinkoitelem ABC
Sorry bai there's no vacancy.
Dialogue:
R:Why do you say there is no Vacancy
A:Tujem nanv kitem R: My name is Beatrice
A:Beatrice..ani tum amche modem eun zaunk soddtai tiatrist
R:Yes A:Very good very good
R: I would like to sing on the stage..you know I can sing your popular
mendos very well ...
A: Mendo??
R: Yes your popular mendos you sing for your parties
A: Mendo..Mendo? Arey Mando...hem mhunnta mendo anv sozmolom toklentlo
mendo..borem borem mhunn poiya...aikoya aikoya
R:Age neuri tuje nakantu noti payeam sori...2
A: Very good very good ti tuji neuri neuri nu sarki natalamchi neuri neuri
sarki natalamchi neuri
R: You like it..I'll sing another one A. Anik mhunntai avoi
R: Cecilia mojem nanv chervam bitor cherum kurioz anv...2
A:Puro puro puro R:I''ll sing another one..
A:Anik naka saiba..kanant passun konv zalem..puro mhunntlaim tem puro anik
naka
R: Why are you angry, I'm very sorry,
I'll act free, I dont want your money,
I've asked my daddy, I've asked my mummy,
To teach me to speak to me real Konkani,
A: Afrikak tum Swaili bhass uloitalem,
Arabiak tum Arbi bhass uloitalem,
Germanank tum Germanui uloitalem,
Konknni koxi visorleim,
R: Konknni bhass anv visronk nam,
To speak I was feeling shy ,
Kuznera lagim xinkleam, atam anv koring try,
A: Aple bitor konknni uloitat maim ani pai,
Bhurgeank Inglezin vaddoitat kosli voddvikai,
Kuznanatli bhass mhunn ti kuznan dovorchinhoi,
Tika salan addun man diunk zai....3
ANV NHOI KONNACHO – Sung by Schubert Rose
Iskolak vetana, eok cheddo maka meuta,
Taka polloun kalliz mojem dukhan bhorta,
Eksuro zadda pondak, sodanch tho bosson asta,
Imtteanim, dukhani tho suskarta.
Anv nhoi konnacho, konn nhoi maimpai mozo,
Nam moipas avoicho, nam adar bapaicho,
Duddu assot zalear, sogott sogleamcho,
Nam tor konnuch nhoi konnacho.
Sodankal iskolak vetana mami jevon bandun dita,
Tem jevonn potan ghalunk kottin lagta,
Jevonncho vell etoch, to bhurgo dolleaxim yeta,
Tem jevon taka ditam, jiv dadosta.
Tho nhoi konnacho, konn nhoi maim-pai tacho,
Sozmon tho bhav mozo moipass kortam tacho,
Dhonia maka dilai mog mummy daddycho,
Upkar anv attoitam tuzo.
Aiz kitle lahn bhurge, jietat maim pai vinnem,
Tankam zolom hea sonvsarnt dila konnem,
Tanchem vid, lahnponnim zaun assa ek umanem,
Nam avoi nam bapui koslem dennem.
Anv put konnacho, mummycho daddycho,
Tim mog kortat mozo, samball kortat mozo,
Saibinn Maie magtam samball kor bhurgeamcho,
Maim pai naslelea fulamcho...Maim Pai naslelea fulamcho.
APOL – Alfred Rose
Apol ho, ghostacho, soglleank amkam ruchicho
Apol ho, khait zalear, thembo naka voktacho
‘An apple a day keeps the doctor away’, oxem mhunnttat lok Eropacho
Punn apol ho, niddukaiecho, tech porim ghatki kastacho
Cheddo pettikotta pattlean dhanvchonaslo – ho apol zhaddar naslo tor
Adanv koso munis vingllo bonvto aslo – ho apol zhaddar naslo tor
Dhorji sui ghevn nespam xinvcho naslo – ho apol zhaddar naslo tor
Dadlo bailechoi ghulam zanvcho naslo – ho apol zhaddar naslo tor
Cheddo pettikotta pattlean dhanvchonaslo – ho apol zhaddar naslo tor
Adanv koso munis vingllo bonvto aslo – ho apol zhaddar naslo tor
Dhorji sui ghevn nespam xinvcho naslo – ho apol zhaddar naslo tor
Dadlo bailechoi ghulam zanvcho naslo – ho apol zhaddar naslo tor
Rosroxit, ah-a gulgulit, pollovnk dista kaiboro
Tannench aiz, munxeache, sovostkaiecho kela churo
Zogzogta, tem sogllench bhangar nhoi, he mhunnenk asa valor khoro
Apol ho, dista kaiboro, punn gomtteak amchea ghala doro
Chedde kazari bailank aiz bhulche naslet – ho apol naslo tor zhaddar
Dhavui nakxeo zorovn munis jenvche naslet, ho apol naslo tor zhaddar
Ah!!! Bailechea kumpasar dadle nasche naslet – ho apol naslo tor zhaddar
Matre gupit nodren cheddvank ponvche naslet – ho apol naslo tor zhaddar
Ah!!! Chedde kazari bailank aiz bhulche naslet – ho apol naslo tor zhaddar
Dhavui nakxeo zorovn munis jenvche naslet, ho apol naslo tor zhaddar
Bailechea kumpasar dadle nasche naslet – ho apol naslo tor zhaddar
Matre gupit nodren cheddvank ponvche naslet – ho apol naslo tor zhaddar
Sogllem noixtt, aiz ievnk pavlam, fokot hea apolak lagon
Zuzam pasun, aiz zavnk pavleant, fokot hea apolak lagon
Tem vinglleponn, dolleank disti poddlem, fokot hea apolak lagon
Pottak amchea, vhoddlo burak poddla, fokot hea apolak lagon
Chintun polle apol zhaddar naslo zalear – sirvisek konnuch vetonam
Uskea-meklle sonvsarant hea bonvte asleanv – tim zogddim-zuzam zatinam
Aka nagoi taka fottoi zanvchenaslem – niddukaiek suat mevtinam
Tiatr tumkam funkott pollonvk mevte aslet – tikettinchi goroz astinam
Oh!!! Chintun polle apol zhaddar naslo zalear – sirvisek konnuch vetonam
Uskea-meklle sonvsarant hea bonvte asleanv – tim zogddim-zuzam zatinam
Aka nagoi, taka fottoi zanvchenaslem – niddukaiek suat mevtinam
Tiatr tumkam pollonvk funkottmevte aslet – tikettinchi goroz astinam
Lyrics Courtesy: Domnic Fernandes
AXIRVAD – Alfred & Rita Rose
Ch: Danvon anv aileam, loginn choltanam,
Axirvad dhi tuzo prema, axirvad dhi tuzo prema,
Dukam sanvronam, kalliz ravonam
Kitem korchem kaim sozmonam (twice)
C: Pollon yea sanglelem aikolenaim
Dadachem nanv padd zait mhunn kanar dhorlenaim
Tor atam kiteak anga ailaim, axirvad mozo gheunk ravlaim
Voximbor tum dolleank mojea pollenakaim (twice)
Ch: Paimyeam anv poddtam, patok anv roddtam
Axirvad dhi mhunn bhik magtam (twice)
Ch: Prem tuzo kel'lo dadan tho moddlo
Dusro novro sodun kadlo, kallzak mojea balo toplo
Mojea mamlo, mhalgoddo cholo, zanchea adim mozo novro
Matheak mojea mav tum jhelo
C : Nam, nam, nam oxem koxem kortolom
Login tujem zatoch somdiran jiv ditolom
Hea kallzachi dukh sompoitolom tujem farikponn ghetolom
Anv mortoch sou moineanim tukai vortolom (twice)
Ch: Ucamboll doria, tunch mozo suria
Sang atam sang kitem koria (twice)
Novro: Kitem gho kaxea, anv novro Raja
Anga korunk ailaim moj'jea, tum konna re kortai tamaxea
Konn Rama ixtta, ixtta tum mojea
Moji vokol ghopan tujean, kitem poitam dollean khaxea
C: Chol Prema chol Prema voch, voch ghara
Novro aila lognnancho vell zala
Tum kiteak zatai voir khala, sangat tuzo korunk aila
Novro; Anga kitem punn assa ghoddbodd ghottala (twice)
Logn mojea lagim, prem tache lagin
Bori mevli maka nagin, chol tumchem anv kortam loginn
C: Permishvaran Axirvad tujer ghalchem begin
14
